Lubun Ji?

Hello.. Kiyok kui, meng meng anih blog alem dahun Kayan aleng lubun ji..Ji aleng ek pelemana' piah nusik tek kelunan tam bansa Kayan nih na blogging.. Tek kah, bi daha' nah na alem dahun English, em English Melayu..Bah.. bulih tahan tam Kayan Baram.. uh tek nah kelunan tam blog.. Usik hak melei blogging anih alem Kayan.., avin tavit em sukup ju daho' tam (vocabulary).. mina.. adeng hak em tek kah ju daho' anan.. atau adeng akui em jam.. akai asi, aku pah em lale' teneng lahu dahun Kayan kui, ha' kah kui tengayet..Ji pah lahu.. avin tek dua pah na'an tam Kayan nih pa.. Kayan Baram, uh anan Kayan Belaga.. Kayan Baram nih.. tek dua' pu'u pah lahu.. Kayan Telang Usan, Kayan Apoh Tutoh.. Nusi' pah ihak piyah lahu ju daho' tam..Awi Belaga ke'.. adeng itam jam daha' anan men daleh hudik Bintulu.. aleng kitan kui, dua na'an pah pu'u joh Kayan daleh anih.. Tubo.. dahin Belaga kah..Awi nyineng dahun alem post akui hak blog anih.. akui adeng pakai dahun Kayan Telang Usan. Tamak men Uma Long Laput, Eda Beran.. Hinak men Daleh Long Pelutan. Kerei nih akui murip hak Miri.. Sukupnah ateng inih ring.. Ji hangun kah akui metei daho' kui la'an.. Pelihai.. Ateng post kui ji hangun la'an..